Hvað er make-a-thek?

Borgarbókasafnið er, ásamt 8 öðrum almenningsbókasöfnum í Evrópu, þátttakandi í alþjóðlegu verkefni til þriggja ára sem nefnist make-a-thek.  

Markmiðið með þessu verkefni er að skapa vettvang fyrir skapandi, forvitna, og  meðvitaða neytendur þar sem þekkingu er deilt og við lærum í sameiningu nýjar aðferðir. Áhersla er lögð á fræðslu um betri nýtingu á fatnaði, t.d. hvernig best er að gera við föt og nýta afgangsefni á skapandi hátt. 

Þetta er ferðalag og áfangastaðurinn mótast með þátttöku sem flestra. 

Hvar fara viðburðirnir fram?

make-a-thek viðburðir og smiðjur fara fram meðal annars í Gerðubergi, Árbæ og Spönginni.  

Í Borgarbókasafninu verður aukin áhersla á bækur og tímarit sem tengjast hannyrðum og fataviðgerðum og því um að gera að fá lánað heim spennandi efni sem styður við þá fræðslu sem í boði er á viðburðunum.

make-a-thek verkefnið er styrkt af New Horizon sjóð Evrópusambandsins.  

Nánari upplýsingar um verkefnið veitir: 
Ilmur Dögg Gísladóttir, deildarstjóri Borgarbókasafninu Gerðubergi
ilmur.dogg.gisladottir@reykjavik.is