Krílastundir

Í Krílastundum gefst þeim sem eru með ung börn tækifæri til að hittast, leika, lesa og syngja saman með ungviði sínu og skiptast á sögum um lífið, tilveruna og auðvitað börnin. Stundum er boðið upp á fræðsluerindi um börn og uppeldi en einnig á bókasafnið mikið af forvitnilegum og fræðandi bókum og tímaritum tengdu efninu sem hægt er að glugga í á staðnum eða fá lánað heim ef þú átt bókasafnskort.

Auðvitað er líka mikið úrval af barnabókum á ýmsum tungumálum!

Stundirnar eru hugsaðar fyrir fjölskyldur með ungabörn og börn á leikskólaaldri.

Góð skiptiaðstaða er á öllum söfnunum og alltaf heitt á könnunni.

Borgarbókasafnið Árbæ

Alla fimmtudaga kl. 10:00-11:00

Notalegar og óformlegar samverustundir í Krílahorninu. Eigum saman notalega stund með yngstu krílunum við leik, spjall og lestur.

Borgarbókasafnið Grófinni

Alla mánudaga og fimmtudaga kl. 10:30 – 11:30
Á dagskrá árið um kring!

Við leikum, lesum og spjöllum saman. Kl. 11 býður starfsmaður upp á söngstund fyrir börnin.
Staðsetning: 2.hæð - barnadeild
 

Borgarbókasafnið Gerðubergi

Alla miðvikudaga kl. 10:00 - 12:00

Í samvinnu við Borgarbókasafnið býður Memmm upp á krílastundir.
Staðsetning: Bókasafnið á efri hæðinni Gerðubergi.

Borgarbókasafnið Spönginni

Alla þriðjudaga kl. 10:00 - 11:00

Notalegar samverustundir við leik, lestur og spjall. Einnig syngjum við saman öll skemmtilegu leikskólalögin þegar andinn kemur yfir okkur, við gítarundirleik starfsmanns.

Borgarbókasafnið Úlfarsárdal

Alla fimmtudaga kl. 10:30 - 11:30

Notalegar og óformlegar samverustundir í Krílahorninu. Heitt á könnunni fyrir þau fullorðnu og pelahitari á staðnum.

Nánari upplýsingar veitir:
Ingibjörg Óttarsdóttir, verkefnastjóri barna- og unglingastarfs 
ingibjorg.ottarsdottir@reykjavik.is | 411 6146