Rafbókasafnið | Rafbækur, hljóðbækur og tímarit

Þú getur hlustað á hljóðbækur, lesið rafbækur og skoðað tímarit í Libby appinu eða á rafbokasafn.is

Hvað er Rafbókasafnið?

Rafbókasafnið er samstarfsverkefni Landskerfis bókasafna og Borgarbókasafnsins. Markmiðið er að bjóða almenningi upp á ókeypis aðgang að fjölbreyttu úrvali hljóðbóka, rafbóka og tímarita, en Rafbókasafnið er aðgengilegt lánþegum nær allra almenningsbókasafna á Íslandi.

Þau sem eiga bókasafnskort í gildi hjá Borgarbókasafninu eða öðrum aðildarsöfnum Rafbókasafnsins, geta fengið bækur og tímarit að láni á Rafbókasafninu. Sjá lista yfir aðildarsöfn hér.

Fylgdu okkur á FACEBOOK
Fylgdu okkur á INSTAGRAM

Hvernig fæ ég aðgang að Rafbókasafninu?  

Símar og spjaldtölvur

• Einfaldast er að nota Rafbókasafnið í síma eða í spjaldtölvu með Libby appinu. Nálgist appið í App Store eða Google Play.
• Strikamerkisnúmerið á bókasafnskortinu og lykilorðið fyrir borgarbokasafn.leitir.is er notað til þess að virkja aðganginn.
  Nánari leiðbeiningar hér fyrir neðan. 

Tölvur

• Hægt er að hlusta, lesa og skoða úr tölvunni á rafbokasafn.is, en einnig er hægt að setja upp Libby appið á libbyapp.com.
• Strikamerkisnúmerið á bókasafnskortinu og lykilorðið fyrir Mínar síður og leitir.is er notað til þess að virkja aðganginn.
• Ef þú vilt hlaða niður bókum í tölvuna þarf að setja upp Adobe Digital Editions forritið. 
  Nánari leiðbeiningar hér fyrir neðan.

Lesbretti

• Ekki er hægt að nota Rafbókasafnið á Kindle og Storytel lesbrettum.  
• Til þess að hlaða niður bók á öðrum lesbrettum þarf fyrst að stofna Adobe ID-aðgang og sækja og setja upp Adobe Digital Editions forritið á tölvu. Bókinni er svo hlaðið niður á tölvuna, hún opnuð í Adobe Digital Editions og færð þaðan yfir á lesbrettið. 
   

Strikamerkisnúmer og lykilorð

Manstu ekki lykilorðið eða viltu búa til lykilorð?

• Lykilorðið sem notað er til að skrá sig inn á Rafbókasafnið er það sama og á leitir.is.
• Hér eru nánari leiðbeiningar sem varða nýtt lykilorð og innskráningu
   

Hvernig finn ég strikamerkisnúmerið mitt?

• Kortanúmerið er á bókasafnskortinu þínu og byrjar oftast á GE, A, B, IL eða 400.
• Ef þú ert með stafrænt bókasafnskort getur þú skoðað kortanúmerið í símanum.
• Þú getur einnig fundið það á Mínum síðum á borgarbokasafn.leitir.is undir "Persónuupplýsingar".  

Annað

Bókasafnskortið mitt er útrunnið

• Kíktu við á næsta bókasafni og endurnýjaðu kortið. Það kostar engin ósköp og gildir í heilt ár. Nánar um árgjöld og þessháttar í gjaldskrá.
   

Hvað má hafa bækur lengi í láni?

• Þú getur valið hvort lánstíminn er 7, 14 eða 21 dagur.
• Gögnin skilast sjálfkrafa að lánstíma liðnum en við hvetjum þig til að skila gagninu um leið og þú klárar - svo næsti geti notið.
• Ef enginn er að bíða eftir bókinni getur þú framlengt lánstímann.
• Það eru engar sektir á Rafbókasafninu.   
   

Hvað má hafa margar bækur að láni í einu?

• Þú getur haft 21 bók að láni í einu og sett inn 21 frátekt. 
   

Þarf að tengast netinu til að lesa eða hlusta á rafbækur?

• Þú getur hlaðið niður bókum og tímaritum í Libby appinu fyrir síma og spjaldtölvur eða Adobe Digital Editions forritinu fyrir tölvur og lesbretti og notið þegar þér hentar.  
• Nettenging er nauðsynleg til að lesa og hlusta í vafra.
   

Er hægt að nota Rafbókasafnið án þess að hlaða niður öppum eða forritum?

• Hægt er að hlusta og lesa í vafra á tölvu, spjaldtölvu eða snjallsíma og því er ekki nauðsynlegt að hlaða niður neinum öðrum forritum til þess. 
   

Ef þú ert með spurningar eða ábendingar varðandi Rafbókasafnið er hægt að senda póst á borgarbokasafn@borgarbokasafn.is eða leita til starfsfólksins á þínu bókasafni.