Hannyrðastundir

Ertu með eitthvað á prjónunum? Ertu að hekla fallegt sjal eða sauma út púða?
 

Þegar hlátrasköllin glymja og þjóðfélagsmál, jafnt sem dægurmál eru brotin til mergjar, þá er að öllum líkindum hannyrðastund á bókasafninu. Öll sem vilja, byrjendur og lengra komin, eru velkomin í þessar notalegu stundir. Við spjöllum um daginn og veginn, fáum okkur kaffi og sinnum handavinnunni í góðum félagsskap. 

Hægt er að fylgjast með dagskránni í viðburðadagatalinu okkar hér á heimasíðunni eða á Facebook. Engin skráning - bara mæta!

Við eigum til mikið úrval af alls kyns bókum og tímaritum um handavinnu sem hægt er að sækja innblástur í, lesa á safninu og korthafar geta fengið lánað heim. 

Borgarbókasafnið Gerðubergi

Hannyrðastundir alla miðvikudaga frá kl. 13:00 - 15:00, til 24. júní.

Borgarbókasafnið Grófinni

Hannyrða- og bókahittingar. Við komum saman á fimmtudögum kl. 15:00 - 1:007 í Hannyrðahorninu á 2. hæð frá september fram í lok apríl.

Lopi og Orð eru notalegar samverustundir á vegum nemenda í íslensku sem annað mál við Háskóla Íslands. Við hittumst á tveggja vikna fresti á sunnudögum frá kl. 15:00 - 16:30 á 2. hæð í Grófinni til 31. maí. Viðburðirnir eru opnir öllum og eru fyrir þau sem vilja æfa sig að tala íslensku í notalegu og afslöppuðu umhverfi. 

Borgarbókasafnið Spönginni 

Hannyrðastundir alla fimmtudaga kl. 13:30 - 14:30, frá september til maí. Við hittumst í blágrænu sófunum á annarri hæðinni, tökum upp handavinnuna, spjöllum og fáum okkur kaffibolla.

Borgarbókasafnið Úlfarsárdal

Hannyrðastundir alla þriðjudaga kl. 13:00 - 15:00, frá september til maí.

Borgarbókasafnið Árbæ

Fjórir hannyrðaklúbbar hittast í Borgarbókasafninu Árbæ en eru allir fullsetnir eins og er. 

Langar þig að stofna þinn eigin hannyrðaklúbb í samstarfi við bókasafnið? 

Þá er um að gera að hafa samband og við finnum honum góðan stað og heppilega tímasetningu.

Einnig geta „heimilislausir“ hannyrðaklúbbar tyllt sér niður á safn að eigin vali þegar grípa á í prjónana eða útsauminn. Gott er þó að tala við starfsmann áður ef hópurinn er fjölmennur til að vera viss um að það skarist ekki á við aðra dagskrá í húsinu.

Nánari upplýsingar veita starfsmenn á söfnunum en einnig er hægt að hringja eða senda línu í tölvupósti á borgarbokasafn@borgarbokasafn.is.